Mural realizado por Miguel Peralta e Xoana Almar en Salorino, Cáceres, no Festival Muro Crítico, 2021.

A "bellotera" de Salorino nace das conversas con Álvaro, un veciño que nos contou historias sobre a zona e nos deu a coñecer ás "belloteras", mulleres que recollían as landras das aciñeiras e sobreiras. Ensinounos as súas cancións e explicounos como moitas o facían de forma ilegal, polo que eran levadas a xuízo e metidas no calabozo.

Estas vidas obrigan a pensar na desigualdade extrema, nesas grandes extensións de terra en mans duns poucos, como tan ben reflicte a obra de Miguel Delibes "Os santos inocentes", levada ao cine por Mario Camus e gravada moi preto de Salorino.

Esta historia lembrounos á viñeta de Castelao: "a nosa terra non é nosa rapaces".